СИМПТОМИТЕ НА КОРОНА ВИРУСОТ ПОВЕЌЕ НЕ СЕ ИСТИ! Еве како изгледа клиничката слика на пациентите денес

Губењето на мирисот се лизна на деветтото место на списокот, а отежнатото дишење е далеку под бројот 30

Симптомите на ковид-19 се променети, се резултатите од студијата што моментално се спроведува во Велика Британија.

Во студијата за симптоми Zoe kovid, заразените лица ги пријавуваат своите симптоми преку апликацијата и евидентно е дека симптомите може (не мора да бидат) да се последица на делта сојот.

Вакцинирани и невакцинирани лица пријавиле слични симптоми на ковид, според веб-страницата на студијата.

– Сепак, оние кои биле вакцинирани, пријавиле помалку симптоми кои траеле пократко, што сугерира дека имаат полесна форма на болеста и побрзо се опоравуваат – се наведува во текстот.

Вакцинираните исто така можат да бидат заразени со корона вирусот, но податоците потврдуваат дека тие обично имаат благи симптоми, додека вакцината значително спречува тешки или опасни симптоми по живот.

Кај ревакцинирани лица, доколку се заразат, обично се забележуваат симптоми како што се главоболка, течење на носот, воспалено грло, кивање, губење на мирис.

Главоболки, болки во грлото, назални секрети, треска, постојана кашлица се присутни кај невакцинираните.

Губењето на мирис се лизна на деветтото место на списокот, а отежнатото дишење е далеку под бројот 30.

DW  додава дека овие флуктуации може да покажат дека порано познатите симптоми се менуваат како што се менува вирусот.

Неодамнешното истражување на универзитетот „Гутенберг Ковид-19“ од Мајнц покажа дека повеќе од 40 проценти од сите заразени луѓе не знаат дека имаат или имале корона.

Авторот на студијата, Филип Вајлд, потврди дека тестирањето не треба да се откажува поради статусот на вакцинација или ниската инциденца.