СЗО ПРЕДВИДУВА СТОТИЦИ ИЛЈАДИ ПОЧИНАТИ ВО ЕВРОПА ДО ПОЧЕТОКОТ НА ЗИМАТА: Црни прогнози по зголемениот број на заразени на Балканот

31 август, 2021
217918475_10225053290148294_3716207461014790622_n

Бројот на смртни случаи од Ковид-19 се зголеми за 11 проценти само минатата недела, вели Клуге.

Светската здравствена организација очекува дека ќе има 236.000 смртни случаи поврзани со „Ковид-19“ во Европа од крајот на август до 1 декември, рече регионалниот директор на СЗО за Европа, Ханс Клуге, на прес-конференција во понеделникот во Копенхаген.

Бројот на смртни случаи на Ковид-19 се зголеми за 11 проценти само минатата недела, рече Клуге.

Црното предвидување доаѓа од Институтот за здравствена метрика и проценка на Универзитетот во Сиетл.

Зголемувањето на бројот на случаи беше предизвикано од многу заразната делта варијанта, ублажување на многу мерки за јавно здравје во бројни земји и значително зголемување на бројот на патувања во текот на летото.

Има нагло зголемување на бројот на нови инфекции, особено на Балканот, Кавказ и Централна Азија, додаде Клуге.

Според дефиницијата на СЗО, европскиот регион се состои од 53 земји во Европа, Кавказ и Централна Азија.