Тест за корона преку телефон што дава резултат за само 10 МИНУТИ!
Научниците создадоа апликација за паметен телефон што може да открие дали имате ковид 19 од примерокот на плунка за само 10 минути. Кога е поврзана со специјален микроскоп што може да се вгради во паметен телефон, апликацијата анализира примерок за знаци на вирус.
Според тимот што стои зад оваа апликација, идејата е да се комбинира брзината на тестот за антиген со точноста на тестот за полимеразна верижна реакција (PCR тест).
Првично беше развиен како начин да се бара норовирус, но научниците од Универзитетот во Аризона сфатија дека оваа апликација може да биде прилагодена за вирусот корона.
Тестот работи со поставување примерок од плунка на хартија обложена со восок, наречена микрофлуидна хартија. Ова го води примерокот преку специфични канали.
По поставувањето на примерокот, пациентот додава антитела со флуоресцентни зрна. Доколку има доволно честички на ковид-19, антителата се врзуваат за секоја од нив.