Третата доза на вакцината Фајзер дава подобра заштита кај луѓе постари од 60 години, покажаа истражувањата

23 август, 2021
biontechpfizer-1-830x0

Третата доза на вакцината се дава само за оние кои ја примиле втората доза пред најмалку пет месеци

Третата доза на вакцина Фајзер против ковид-19 значително ја подобри заштитата од инфекција со коронавирусот и сериозни истовремени заболувања кај луѓе постари од 60 години, според резултатите од истражувањето објавено денеска од Министерството за здравство на Израел.

Резултатите беа претставени на панел -дискусија на експерти за имунизација и објавени на веб -страницата на министерството, иако не беа објавени сите детали од студијата, објави Ројтерс, а пренесува Танјуг.

Овие наоди се совпаѓаат со податоците објавени минатата недела од компанијата за здравствено осигурување „Макаби“, една од организациите што спроведуваат вакцинација и се борат да го спречат ширењето на делта сојот на корона вирусот.

Израел започна да ја администрира третата доза на вакцина за граѓани над 60 години на 30 јули, а пред неколку дена возрасната граница за примање на третата доза беше поместена за оние на возраст од 40 години и повеќе, вклучително и бремени жени, наставници и здравствени работници

Третата доза на вакцината се дава само за оние кои ја примиле втората доза пред најмалку пет месеци.

Десет дена по примањето на третата доза од вакцината, кај постарите од 60 години се создава пет до шест пати поголема заштита од компликации и тешка клиничка слика, се наведува во студијата.