Три јога вежби за дишење кои ќе ви помогнат кога температурите се пеколни!

3 август, 2021
profimedia-0616816352 (1)

Вршењето вежби за дишење не само што може да ви помогне да се смирите психички, туку и да ви помогне да ја намалите телесната температура по природен пат.

Техниките на дишење се докажан начин за смирување на умот и нервите, кои можат да го забават отчукувањето на срцето и да ни помогнат да не размислуваме за непријатноста што може да ја создаде големата топлина.

  • Многу е можно температурата на телото да ја контролира мозокот. Откривме дека покачувањето на телесната температура може да се постигне преку одредени техники на медитација, кои би можеле да помогнат во зајакнувањето на имунитетот во борбата против заразни болести, велат научниците од Националниот универзитет во Сингапур во студијата објавена во списанието „One One“, која беше фокусирана за техники на дишење за загревање на телото.

Иако нема многу научни докази за ладење на телото на овој начин, наставниците по јога веруваат дека постојат одредени техники на дишење кои помагаат.

Во удобна седечка положба, затворете ја десната ноздра со десниот палец. Вдишувајте низ левата броејќи до четири. На крајот на вдишувањето, отстранете го палецот од десно и затворете ја левата ноздра со десниот мал прст. Вдишете преку десната ноздра, броејќи до четири. Повторете пет до 10 циклуси.

Во јогата, левиот канал е јин или ладна енергија, а десниот канал е јанг или топла енергија. Според ова верување, ваквото дишење ја зголемува ладната енергија и ја намалува топлината.

vrućina

Нерамни вдишувања

Оваа вежба за дишење може да се изведе во удобна седечка или лежечка положба. Вдишете низ носот, броејќи до четири. Потоа издишете броејќи до осум. Повторете пет до 10 циклуси.

Вдишувањето ја активира симпатичната гранка на автономниот нервен систем, а издишувањето помага да се активира парасимпатичната гранка. Кога издишувањата се подолги од вдишувањата, тоа му овозможува на телото да се излади.

Совршено дишење

Оваа вежба за дишење може да се изведува во удобна седечка или лежечка положба. Вдишете низ носот околу 5,5 секунди, а потоа издишете преку носот 5,5 секунди. Правете ја оваа вежба 5,5 минути.

Се проценува дека просечниот човек вдишува околу 16 до 17 вдишувања во минута, што создава поголеми потреби за енергија во телото, вклучително и крвен притисок.

Вдишувајќи и издишувајќи низ носот, задржуваме повеќе влага во телото. Дишењето преку уста предизвикува губење на 40 проценти повеќе вода од телото, така што може да почувствувате сувост во дишните патишта.