Врските во кои жената го направила првиот чекор се поуспешни

Мажите се оние кои отсекогаш го освојувале срцето на една девојка, но сега дојде времето на жените, така што сѐ повеќе се приближуваат кон посилниот пол

Поканувањето на личност што ни се допаѓа на состанок може да биде особено стресно, без разлика дали станува збор за машка или женска страна. Стравот од отфрлање совладува многумина и наместо да се обидуваат да ја придобијат личноста што им се допаѓа, тие често се откажуваат.

Сепак, има сѐ повеќе жени ширум светот кои не се двоумат да го направат првиот чекор кога станува збор за врските и романтиката. Сајтот за запознавање преку Интернет OkCupid спроведе истражување во кое заклучи дека разговорите што ги иницираат жените се многу подолги и поквалитетни, додека беше потврдено дека партнерите што ги наоѓаат им се многу попривлечни и интересни.

Искуствата како ова покажуваат дека правилата се промениле и дека веќе не е невообичаено жената да го направи првиот чекор.

Оваа ситуација влијае и на мажите. Според едно истражување, дури 72% од мажите претпочитаат кога жената ќе им се јави прва. Покрај тоа, друга студија покажа дека 95% од нив претпочитаат жена да го иницира првиот бакнеж.