За Кански фестивал, инаугурација или ГЛАМ на ИНСТАГРАМ: 3 Скиапарели фустани кои оваа година ги поместуваат границите на високата мода
Од Лејди Гага, преку Бела Хадид, до Адел … Три познати диви прошетаа фустани за кои ќе се зборува со години!
„За мене, дизајнирањето фустани не е професија, туку уметност“
Духот на модата од 20 век секако беше оплемент и збогатен од Елса Скиапарели. Нејзината иновација, имагинација и револуционерна визија донесоа креативност во уметноста, спортската мода, високата мода, мирисите …
Денес, во 21 век, Мејсон Скиапарели го зачувува своето наследство и им нуди на жените смел и безвременски стил. Уметнички директор на Скиапарели денес е Даниел Розбери, кој ја презеде таа позиција по заминувањето на Бертранд Хихон во 2019 година, а неговите Скиапарели дизајни оваа година ги воодушевија модните познавачи, но и познатите дами кои ги носеа на себе!
Првиот фустан го носеше Лејди Гага на претседателската инаугурација на Џо Бајден во Вашингтон. Во прилог на нејзиниот настап, Гага претстави моден драматичен изглед, за кој се зборува и денес, и како да беше еден вид најава за промена во нејзиниот стил (што целосно следеше откако ја играше Патриша Реџиано во филм за семејството Гучи).
Тегет кашмир, обемно црвено свилено здолниште, гломазен брош во форма на гулаб, која го симболизира мирот … Оваа креација на Скиапарели беше една од најзабележаните и најкоментираните за тој ден, но и во подоцнежните месеци што следеа.
Вистинската драма на црвениот тепих се случи со појавувањето на Бела Хадид на овогодинешниот филмски фестивал во Кан. Една од најпопуларните жени во светот носеше авангарден фустан од есенската колекција на Schiaparelli Haute Couture за 2021 година. Станува збор за волнен фустан со долги издувани ракави и целосно отворено деколте што ги открива градите, но исто така е придружено со златен ѓердан, кој исто така го потпишува Schiaparelli Haute Couture, во форма на човечки бели дробови.
Последна во серијата е пејачката Адел. Таа викендов откри дека е во љубовна врска со Рич Пол, а тоа го направи преку Инстаграм, облечена како филмска дива!
Се чини дека Адел пристигнала од Холивуд во црн фустан Скиапарели со издуван детал кој личи на бел облак на нејзините раменици. Едноставен, но суптилен гламур, елегантен крој што ја нагласува линијата на телото, и со сиот тој накит што комбинира злато и бисери … Адел ја откри својата врска на начин на кој Џенифер Лопез би и позавидела!