За прва помош – НИКОГАШ не ја мијте раната со АЛКОХОЛ!

Расекотина или рана нема да се инфицираат ако веднаш ја исплакнете под млаз вода.

Исекотината или раната нема да се инфицираат ако ја измиете веднаш под млаз вода и во никој случај не се препорачува да користите алкохол или ракија за плакнење, што многумина го користат како прва помош поради исекотини.

Д-р Ана Јеремиќ, специјалист по општа медицина, вели дека раната може да се измие со три проценти хидоген ако има нечистотии кои не се отстранети со водата.

Третман на рана која крвари

– Ако раната крвари, потребно е да се покрие со чиста крпа или газа и да се притисне цврсто за да се запре крварењето, ако раната сепак крвари после тоа, цврсто завиткајте ја и повикајте лекар. Тежината на исекотината зависи од нејзината длабочина. Ако раната е длабока, посетете лекар. Проценката дали раната е длабока, може да се види по испирањето – вели д-р Јеремиќ.

– Подлабоките рани крварат и со голо око може да се види дека има поголем јаз помеѓу кожата или дека недостасува. Таквите рани, како и плитките посекотини со поголема димензија, бараат грижа од лекар и шиење – додава таа.

Убод на нешто остро

Повредите предизвикани од прободување на клинец или сличен метален предмет бараат примена на анти-тетанусна заштита. Тетанус се прима 72 часа по повредата.

– Децата се заштитени со редовна вакцинација, како и 10 години по последната ревакцинација, која обично е на крајот на основното или раното средно училиште – забележува д-р Јеремиќ.

Вакцината се дава не подоцна од 72 часа по повредата, потоа во рок од еден месец, а третата и последната доза или ревакцинација се дава шест месеци по втората доза.