КОРОНА ВИРУСОТ ГО УБИ ГРИПОТ?! Лекарите не забележале два типа на вирус на грип за една година: „Никогаш порано не сме го виделе ова“

За време на пандемијата на ковид-19, лекарите забележале рекордно малку случаи на грип, а се чини дека исчезнале два вида

За време на пандемијата на ковид-19, лекарите ширум светот забележаа рекордно малку случаи на инфекција со грип. Научниците ова го припишуваат на носењето маски и други епидемиолошки мерки и посочуваат дека е можно некои видови грип да исчезнале.

Имено, нема регистрирано ниту еден случај на инфекција со вирусот на грип А тип H3N2 една година, но ниту вирусот тип Б од лозата Јамагата, според СТАТ. Сè уште не е познато дали овие два вируси на грип исчезнале. Ако е така, имунолозите ќе имаат малку полесна работа во изборот на соеви против кои ќе се работат сезонските вакцини.

Инаку, вирусите на грип се класифицираат во две групи наречени А и Б. Типот А е поделен на подтипови врз основа на нивните два протеини, додека типот Б е поделен на лозата Јамагата и Викторија.

„Мислам дека има големи шанси оваа подгрупа на H3N2 да исчезнала“, изјави за Live Science компјутерскиот биолог Тревор Бедфорд од Центарот за истражување на рак Фред Хачинсон во Сиетл.

Вирусите на грип H3N2 се особено разновидна група, а пред пандемијата се чинеше дека тие стануваат уште поразновидни, па затоа научниците се надеваат дека овие вируси навистина исчезнале. Имено, колку е помал бројот на различни вируси, толку е поголема шансата соевите во вакцините да одговараат на оние кои кружат низ целиот свет.

Одлична работа

„Падот на разноликоста за овој подвид ќе биде одлична работа“, рече Ричард Веби, директор на центарот на Светската здравствена организација (СЗО) кој проучува грипови кај животни и птици. Но, тој не е толку оптимистичен. Имено, тој верува дека овие вируси сè уште постојат, иако ги нема во базите на податоци.

“Без сомнение, ова дефинитивно ќе ја промени ситуацијата во однос на разновидноста на вирусите на грип. До кој степен работите ќе се менуваат и колку долго, не знаеме. Но, никогаш порано не сме го виделе ова”, заклучи Веби.