Научниците открија нова опасност во природата: „Овој смртоносен микроб може да биде новата корона“

22 март, 2021
f_10525635_1024

Смртоносната болничка супергаба, отпорна на постоечките антифунгални лекови, за прв пат е откриена надвор од болница, на плажата на изолиран тропски остров. Тоа е габа Candida auris која мистериозно се појави во болниците пред нешто повеќе од десет години.

„Мистеријата е од каде се појави“, рече д-р Артуро Касадевал, раководител на Одделот за молекуларна микробиологија и имунологија на Факултетот за јавно здравје во Балтимор, пренесува порталот ScienceAlert.

Новото откритие, објавено во медицинското списание mBio, може да помогне во спречување и контрола на нејзиното ширење.

Candida auris беше откриена за прв пат во 2009 година кај пациент во Јапонија и брзо се прошири низ целиот свет. Микробот може да предизвика инфекции во крвотокот, особено кај пациенти на кои им се потребни катетри и цевки за дишење или хранење, според американскиот Центар за контрола и превенција на болести.

Инфекцијата се лекува тешко, бидејќи Candida auris е отпорна на многу постоечки антифунгални лекови и може да опстојува на површините. „Кога ќе влезе во болница, тоа е кошмар“, рече Касадевал.

Центарот за контрола и превенција на болести ја прогласи за голема закана за јавното здравје пред две години.

Иако сродни габични видови се пронајдени на растенијата и околу водните површини, Candida auris досега не е пронајдена во природата.

Касадевал и неговите колеги претходно сугерираа дека зголемувањето на температурите предизвикани од климатските промени може да предизвикаат кандида аурис да се прилагоди на повисоките температури во природата. Ова може да и дозволи на габата да се пренесе на човечкото тело чија телесна температура е превисока за повеќето габи да преживеат.

Охрабрени од оваа хипотеза, водечката авторка на студијата, д-р Анурада Чоудари, миколог од Универзитетот во Делхи, и нејзините колеги анализирале примероци на почва и вода од осум локации на островите Андаман, далечен тропски архипелаг помеѓу Индија и Мјанмар.

Candidu auris е изолирана од примероци од две локации. Првата е солено мочуриште во кое луѓето буквално никогаш не се впуштаат, а втората е плажа со поголема човечка активност.

Candidu auris од плажата беше поотпорна на повеќе лекови и повеќе се поврзуваше со варијанти забележани во болниците во споредба со габата изолирана на примерокот од мочуриштето, рече Чоудари.

Студијата донекаде ја поддржува теоријата на глобалното затоплување затоа што, пред сè и најважно, докажува постоење на Candida auris во природната средина. Второ, тоа покажува дека габата може да се прилагоди на високи температури.

Но, ова не е доказ дека габата природно живее на Андаманските острови или дека потекнува од таму. Можно е да е донесена од луѓе или да стигнала таму преку океански струи преку ѓубре фрлено на друго место, кое таму испливало на површината.

Ова секако ќе поттикне нови пребарувања за Candida auris во природата и споредби со варијанти што се појавија во болниците, рече Касадевал.

Ако се потврди дека габата потекнува од природата и дека глобалното затоплување има влијание врз нејзиното преминување кон луѓето, ќе постои зголемена загриженост дека и други патогени микроорганизми би можеле да го сторат истото.

Бројни габични организми се штетни за инсектите и водоземците, но не и за луѓето поради нивната висока телесна температура.

„Ако се потврди нашата претпоставка, ќе мора да започнеме со мапирање на такви патогени микроорганизми за да не се изненадиме како што бевме изненадени од новиот корна вирус“, заклучи Касадевал.

Eskişehir escort - Sekabet kaç oldu -
Superbetin yeni adresi
-

Dinamobet link

-

kolaybet giriş yapamıyorum

- escort - Casinomaxi bağlan - Goldenbahis - Sultanbet - mobilbahis giris -
instagram takipçi hilesi