Зошто не треба да јадеме чоколадо пред спиење?

Колку пати ни се случило да ни се јаде чоколадо пред одењето во кревет.

Нутриционистите велат дека сепак треба да го оставиме за следниот ден.

Имено, чоколадото содржи кофеин, а неговата количина варира од вид до вид. Тоа може да не држи будни ноќе и да влијае на утрешниот ден.

Чоколадото има теобромин, кој исто така може да не држи будни.

Покрај кофеинот, чоколадото има уште едно соединение што може да го отежне обидот за заспивање. Теоброминот е дел од растението какао, а бидејќи е алкално, припаѓа на истото хемиско семејство како и кофеинот. Овие две состојки не само што го зголемуваат нашето уживање во храната, туку го зголемуваат и расположението и нивото на будност.

Нивото на теобромин во чоколадото делува на ист начин како и нивото на кофеин – колку е потемно чоколадото, толку повеќе кофеин и теобромин ќе најдете. Затоа Националната фондација за спиење препорачува да избегнувате чоколадо, кафе и чај пред спиење.