ПЕЧЕНИ КОМПИРИ СО СЛАНИНА! Ручек од СОНИШТА

Ако немате идеја што да подготвите за ручек, ние секогаш имаме идеја. Направете крцкави компири со сланина

 

СОСТОЈКИ:

 

• пет поголеми компири
• 200 гр чадена сланина
• половина лажичка лук во прав
• две јајца
• две лажици кисела павлака
• 100 гр тврдо сирење
• магдонос
• сол, бибер
• масло

 

 

Компирот излупете го и исечете го на парчиња. Намачкајте ја тавата со масло и наредете ги компирите, па посолете и побиберете. Додадете лук во прав и промешајте.

 

Покријте ја тавата со фолија и печете 30 минути на 200 степени. Во меѓувреме, чадената сланина исечкајте ја на ленти, па измешајте со изматените јајца и ренданото сирење.

 

Со смесата прелијте ги компирите и вратете во рерна да се пече уште 15 минути. Посипете со ситно сечкан магдонос. Послужете топло со сезонска салата.