Прекрасниот Мелник: Балкански град опкружен со пирамиди што го привлекоа и окото на Винстон Черчил

18 ноември, 20220
62421313

Најмалиот град во Бугарија со нешто помалку од 400 жители се наоѓа во подножјето на пирамидите и е совршена дестинација за љубителите на планинарењето и виното…

На малку повеќе од два часа возење од Софија кон југот на Бугарија, ќе наидете на историскиот планински град Мелник, каде времето се чини дека застанало, а поради природата што го опкружува, можеби ќе помислите дека не сте во Европа, туку дека сте патувале на Блискиот Исток.

Најмалиот град во Бугарија, кој има нешто помалку од 400 жители, се наоѓа во подножјето на пирамидите, карпи создадени од ерозија. Бидејќи е основан пред повеќе од илјада години, Мелник навистина може да се пофали со долга историја. Реновираните етно куќи му даваат на местото посебен шарм. Некои од нив се претворени во мали хотели или продавници за сувенири и ресторани.

Споменик на природата – Мелничките пирамиди се наоѓаат североисточно од градот Мелник, во правец на манастирот Рожен, во подножјето на планината Пирин. Тие чудесни камени формации, некои високи и до 100 метри, ги посетуваат љубителите на природата и планините од целиот свет. Ниската зелена вегетација во комбинација со портокаловите пирамиди, малите камени мостови и планинските куќи создаваат навистина прекрасни сцени.

62421310
62421316
62421315

Доколку се одлучите да ја следите патеката до Мелничките пирамиди, ќе наидете на бројни гледишта од кои се отвораат прекрасни погледи на околината. Ќе видите и лозја бидејќи тој дел од Бугарија има долга винска традиција, што е еден од главните извори на приход за заспаниот планински град. Наводно, и Винстон Черчил особено го сакал мелничкото вино, кое го купувал во големи количини.

Мелник е познат и по средновековниот манастир Рожен. Манастирот е на десет минути возење од Мелник, а во него можете да ги видите добро сочуваните фрески, витражите, уникатните резби и куриозитети од различни историски периоди на манастирот.

Во градот, посетете ја Кордопуловата куќа, која служи и како приватен музеј каде што можете да престојувате во визбата за дегустација на вино. Куќата на познатиот трговец со вино Манолис Кордопулос била изградена во средината на 18 век, кога била една од најголемите на Балканот. Манолис Кордопулос бил познат низ цела Европа, особено во Венеција и Париз, каде често одел по работа. По посетата на винската куќа, погледнете ги урнатините на црквата Св. Барбара. Една од прекрасните цркви е и Св. Антониј, чии ѕидови се покриени со слики од цвеќиња и растенија. Во секој случај, на најмалиот град во Бугарија не му недостасуваат интересни работи.

Leave a Reply

Your email address will not be published. Required fields are marked *

Eskişehir escort - escort -

Sağlıktan Haber