Том Харди победи во турнир на џиу-џицу: Негативецот од Бетмен сака борба и надвор од филмското платно
Актерот Том Харди одигра неколку насилни, физички и брутални ликови во текот на неговата кариера, од озлогласениот криминалец Чарлс Бронсон до улогата на Бејн, еден од физички најимпресивните противници на Бетмен.
Очигледно, актерот е доста вешт во борба и надвор од екранот.
Харди минатиот викенд учествуваше на Отвореното бразилско џиу-џицу првенство што се одржа во Велика Британија и победи.
Tom Hardy secretly enters a BJJ tournament and wins the Brazilian Jiu-Jitsu Open Championship in the UK (2022) pic.twitter.com/EQlPP47qJZ
— Fight Pics That Go Hard (@fightpicsgohard) September 21, 2022
Шон Розборо, спонзорот на настанот организиран во гимназијата на средното училиште во градот Милтон Кејнс, за „Дејли мејл“ изјавил дека организаторите веќе знаеле дека Харди ќе учествува, но одлучиле да не го откриваат на јавноста. за да не се направи скандал.
Актерот кој носи син појас во оваа боречка вештина, почна да тренира за време на подготовките за филмот „Воин“ во 2011 година и оттогаш е верен на џиу-џицу.
Tom Hardy won first place as a surprise competitor at the 2022 Brazilian Jiu-Jitsu Open Championship.
(Source: https://t.co/3kcS3Buxhr) pic.twitter.com/DthquR5cgQ
— DiscussingFilm (@DiscussingFilm) September 21, 2022
Како што изјави еден од нив за „Гардијан“, Харди е „навистина добар лик“ и со задоволство се фотографирал со секој што сака.
Ова не е прв пат актерот ненадејно да се појави на турнир. Во август, тој го освои отворениот шампионат во џиу-џицу што се одржа во Вулверхемптон, Англија.
Imagine signing up for a jiu-jitsu competition and having to face Bane 😂
🎥 geoffpavey | TikTok pic.twitter.com/5WvG1faWWx
— Culture Crave 🍿 (@CultureCrave) August 23, 2022
– Веднаш го препознав. Сите знаат како изгледа Том Харди, нели? Бев шокиран. Тој рече: „Само заборавете дека сум јас и направете го она што вообичаено би го правеле“, рече еден од неговите противници во тоа време, Дени Еплби, кој го нарече актерот „навистина силен“.
– Тој е веројатно најсилниот противник што сум го имал. Дефинитивно е дораснат за улогата на Бејн“, додаде тој, мислејќи на ликот на Харди од филмовите за Бетмен.