Четири начини на кои сами го САБОТИРАТЕ вашиот ЉУБОВЕН ЖИВОТ

Да се ​​најде вистинска љубов, односно сродна душа, за многумина е вистински предизвик.

Сигурно многу пати сте слушнале од вашата пријателка: „Едноставно сите добри мажи се зафатени!“ Она за што не размислуваат тие, или вие самите, е фактот дека жените многу често избираат само погрешни мажи за себе.

Со овие потези се саботирате себеси во пронаоѓањето на вистинската љубов:

Ја искривувате реалноста

Ако мажот ви каже дека не сака да се обврзе или не е подготвен за сериозна врска, верувајте му. Не го сфаќајте тоа како предизвик како тој да се заљуби во вас и да сфати дека вие сте делот што недостасува во сложувалката на неговата среќа.

Ако сакате врска, со маж кој нагласува дека не ја сака, нема што да барате.

Прифаќате неприфатливо однесување

Ве навредува, ве игнорира и омаловажува, а вие сепак го оправдувате? Дали разбирате што не е во ред овде? Ако се сметате за личност достојна за љубов, од таква личност ќе бегате без оглед на се.

Прифаќате помалку отколку што заслужувате

Ако сте свесни дека не сте целосно задоволни од врската во која се наоѓате, но тоа го оправдувате со реченицата дека „може и полошо“, стоите на патот на вашата среќа. Можеби мажот кој не ве прави среќна е сродна душа на друга жена, а некој кој не ја прави среќна друга жена е вашата сродна душе.

Не знаете што навистина барате кај мажот

Можеби сè уште не сте сигурни кои точно квалитети треба да ги поседува вашиот идеален маж. Тоа е сосема во ред, но тогаш не треба да форсирате врска, туку да истражувате и да дојдете до заклучок што точно сакате.