Се вели дека на секои седум секунди мажите размислуваат за секс (двојно почесто за време на пубертетот). А кога ќе ѝ пријдат на жена, ние сме убедени дека тоа секогаш го прават со скриен мотив – да не одведат во кревет. Оваа идеја е толку вообичаена и вкоренета во нашите умови што кога еден дечко не сака да спие со нас, понекогаш се прашуваме: „Зарем не ме смета за привлечна?“
Сметаме дека „типичниот маж“ е секогаш расположен за секс, но крајно време е да се збогуваме со ваквите мисли! И не го кажуваме ние тоа, туку некој што би требало да го знае тоа: Џед Дајмонд (73) е психијатар и без сомнение маж.
Во блог пост на „goodmanproject“, Дајмонд пишува: „Колку често ја слушаме изјавата: „Мажите сакаат само секс?“ Кога имав 17 години, бев сигурен дека е вистина. Во времето кога имав 37 години претчувствував дека тоа може да биде лага. Сега, на 73 години, сигурно знам дека тоа не е вистина“.
Она што му го откриле неговото богато животно искуство и бројните разговори со пациенти и други припадници на неговиот пол е следното: мажите повеќе од сѐ сакаат сигурност, дом и „безбедно пристаниште“. Според Дајмонд, таа потреба во суштина стои зад неговата желба да спие со некого. Сексот ни дава чувство на мир и дом што го надминува сексуалното задоволство“, пишува психологот. Тоа е еден вид пауза и опуштање од притисокот и конкуренцијата под кои се наоѓаат мажите. Но, всушност, мажите би можеле и без интимни односи – доколку за возврат добијат сигурност.
„Една од работите што најмногу ги сакам е моментот кога ја ставам главата во скутот на жена ми и ѝ дозволувам да ме гали“, пишува Дајмонд.
Единственото прашање е: ако Дајмонд е во право, зошто речиси никогаш не слушаме како мажите велат: „Дали ќе се гушкаме денес?“ или „Те молам, само биди тука со мене!“
Според експертите, еден од најголемите стравови на многумина (особено хетеросексуалните) мажи е да испаднат дека не се мажевни. И да признаат дека сакаат заштита и безбедност – не се смета за особено мажествено…
Ова нè доведува до причините зошто Дајмонд се обидува да објасни зошто на жените често им е тешко да им го дадат на мажите посакуваното безбедно засолниште (ако самите не го побараат тоа): „Жените се плашат од мажи, кои не се чувствуваат мажествено. Тие исто така знаат дека мажите кои стануваат насилни се оние кои се чувствуваат слаби. „Исто така се сомнева дека жените всушност сакаат повеќе „мажествени“ партнери, бидејќи во спротивно тие би се чувствувале повеќе како мајки, а помалку како партнери.
Убавината на тезата на Дајмонд е дека навистина не е важно дали е вистина или не. Ако работиме на проблемот, можеме само да победиме! Имено, ако стравот кај мажите и жените е причина број еден зошто мажите се „сведени“ на сексуален нагон и не можат да го добијат тоа што го сакаат, решението е јасно: на сите ни треба само малку повеќе храброст, самодоверба и доверба!