Експертите открија што може да го намали ризикот од дијабетес тип 2

Дијабетесот тип 2 е сериозна медицинска состојба, а понекогаш доаѓа со некои предупредувачки знаци – состојба наречена преддијабетес.

 

 

Следејќи повеќе од 3.200 луѓе со преддијабетес речиси 21 година, истражувачите се обидоа да утврдат дали постојат ефективни начини да се спречи предијабетот да напредува во дијабетес тип 2.

 

Во студијата објавена оваа недела во списанието Circulation, истражувачите рекоа дека промените во животниот стил, вклучително и поголема физичка активност, здрава исхрана и целта за губење седум проценти или повеќе, се долгорочно ефикасни во одложување или спречување на болеста да напредува.

 

Сепак, студијата покажа дека овие стратегии не го намалуваат ризикот од кардиоваскуларни болести.

 

„Ризикот од кардиоваскуларни болести кај луѓето со преддијабетес е зголемен и дополнително се зголемува во случај да се развие дијабетес тип 2“, вели д-р Роналд Б. Голдберг од Универзитетот во Мајами.

 

Според д-р Едуардо Санчез од Американското здружение за срце, врската помеѓу дијабетес тип 2 и кардиоваскуларни болести е сложена и бара повеќе истражувања за подобро да се разбере.

 

„Сепак, овие важни резултати исто така ни кажуваат дека интервенциите во начинот на живот се неверојатно ефикасни во одложувањето или спречувањето на дијабетес тип 2, што само по себе може да го намали ризикот од кардиоваскуларни болести“, додаде тој.