Зошто е добро скокањето на јаже? Често го забораваме, а има бројни придобивки за телото

Покрај ефективното кардио и силата на долниот дел од телото, скокањето со јаже помага и за подобрување на координацијата, силата и агилноста. Убавината на јажето е тоа што не одзема многу време или простор за да започнете. Се што ви треба е околу 10 до 15 минути и едно јаже.

Јажето за прескокнување е вежба за целото тело со голем интензитет, која бара од вас да го замавнете јажето преку вашата глава, а потоа да го прескокнете додека ви поминува под нозете. Вежбањето бара постојано движење што го поттикнува вашето срце да пумпа крв. Бидејќи јажето за скокање бара брзо потскокнување на прсти, исто така се користи за подобрување на брзината и агилноста.

Држете ги краевите на јажето во секоја рака, со јамката на јажето на земја зад вашите потпетици. Доведете го јажето напред над главата и пред телото. Скокнете додека минува под вашите нозе. Започнете да правите кружни движења со рацете на рачката од јажето и пронајдете го вашиот ритам. Фокусирајте се на тоа да ги држите градите горе, а рамената и лактите не треба да се движат многу, најголемиот дел од движењето доаѓа од вашите зглобови. Додека скокате, внимавајте да ги држите колената благо свиткани.

Важно е пред да го вклучите јажето во вашата опрема, исто така да проверите дали ги има соодветните димензии за вас. Застанете на средината на јажето со едната нога и доближете ги краевите до телото. Рачките треба да допрат до пазувите или рамената. Обидете се да купите јаже што можете да го наместите според вашата големина.

Скокањето со јаже бара кондиција, фокус и добра работа со нозете. Вежбата го активира речиси секој мускул во телото, а истовремено го зголемува пулсот побрзо од многу други вежби.