Фармерките со ШИРОКИ НОГАВИЦИ СЕ АПСОЛУТНИОТ ТРЕНД НА 2022: Три начини да ги стилизирате како трендсетерките!

Фармерките со широки ногавици се во тренд веќе неколку години, а овој тренд секако ќе продолжи и во наредните месеци.

Постојат безброј начини како да го комбинирате овој модел на фармерки со други парчиња, а е идеална комбинација со патики за есенските денови.

Исклучително лабавата силуета на ваквите фармерки одлично се вклопува во секоја гардероба, без разлика дали сакате да носите широки блузи или тесни ролки во есен и зима. Прекрасно изгледаат и под долгите палта, а оставаат впечаток на елеганција, а големата предност е што можете да ги носите во комбинација со чизми до глужд.

Еве ги најдобрите комбинации со фармерки со широки ногавици:

1. Кожен капут и бели чизми

Кожните палта се голем есенски тренд, па логично е да ги комбинирате со овие фармерки. Одлучете се за беж или црн и додадете пар бели чизми за да го комплетирате елегантниот изглед.

2. Лабава кошула и чевли на штикла

Oversized кошула оди со речиси сè, но пропорциите се особено интересни кај фармерките со широки ногавици, додека добар пар чевли на штикла ќе го избалансираат целиот аутфит.

3. Винтиџ блејзер и мини чанта

За поформална пригода, облечете фармерки со широки ногавици со винтиџ блејзер (колку понагласени рамења, толку подобро) и мини чанта.