Што се случува кога ќе пуштите вода, а не сте го спуштиле капакот од тоалетот? Ќе ви се слоши кога ќе го слушнете одговорот!

Научниците објаснуваат зошто ова е голема грешка

За некои навики, особено додека сме во тоалет, цврсто се држиме и ретко ги менуваме.

Меѓутоа, ако не го спуштите капакот од тоалетот кога пуштате вода, правите огромна грешка, барем така велат научниците.

Имено, истражување кое неодамна беше спроведено во Велика Британија, предупредува на оваа страшна навика и истакнува дека водата во тоалетната школка содржи потенцијално штетни бактерии и патогени. Дури и по неколку испирања, таа вода останува контаминирана.

Ако не сакате да имате бактерии и измет на вашата четка за заби, најдобриот совет е да го спуштите капакот по секоја употреба на тоалетната школка. Истражувањата покажаа дека кога ќе пуштите вода во тоалетот, таа прска на други предмети во бањата.

Иако не можете да ги видите, фекалните бактерии почнуваат да се шират насекаде – на вашата четка за заби, четка за коса, крпа за лице, козметика, шампони и купки и сè друго во вашата бања.

Пред да ја пуштите водата следниот пат, размислете двапати дали да го спуштите капакот. Според лекарите, капакот постои со причина, а не поради естетика.

Австралиските научници неодамна открија дека една даска за тоалет има околу педесетина бактерии на два сантиметри.