Во светот на соништата: Погледнете како изгледа куќата која Салвадор Дали ја уредувал 40 години

Коста Брава, дел од шпанскиот медитерански брег во Каталонија, кој се протега помеѓу устието на Тордер и француската граница, е едно од омилените места за лежење на плажите и пиење коктели со поглед на синилото. Но, брегот крие и некои изненадувања. Cadaqués се наоѓа во срцето на Коста Брава, мало гратче познато на љубителите на надреалистичкиот гениј Салвадор Дали.

Куќата-музеј Портлигат е, како што доликува на ексцентричен уметник, ремек дело кое збунува, забавува и фасцинира во исто време. Лавиринтот од соби со различни форми и големини бил единствената постојана резиденција на Салвадор Дали, кој живеел таму до 1982 година. Потоа умрела неговата муза Елена Ивановна Диаконова, попозната како Гала, и тој се преселил во Кастел де Пубол.

Во 1930 година, Дали купил колиба за рибари, на која работел четириесет години. Играјќи си со тесните премини, различните висини на подот и димензиите на просторот, тој создал уникатно место на кое му дал карактер со куп предмети што му припаѓале нему и на Гала. Бројни предмети и мебел се прикажани како што Дали ги оставил: од часовните полжави на стаклената масичка за кафе до огледалото што го поставил така што зраците на изгрејсонцето го погодуваат неговото лице.

Прозорците во работната соба се позиционирани да го искористат максимумот од погледот кон морето и небото. Мирни тераси со маслинови дрвја, плишана мечка и скулптура на Исус направена од отпад се дел од глетките што можете да ги видите во поранешниот дом на големиот уметник, а можеби ќе ви се интересни и гипсените јајца на ѕидовите, фалусниот базен и троседот во облик на усни. Во потрага по нова доза уметност, Cadaqués нуди неверојатно убави зајдисонца, во кои најдобро се ужива на плажа.