Повеќето веќе се соочиле со овој „проблем“, да се разбудат со отечено лице наутро.
Едноставно кажано, гравитацијата често е причина за отеченост на лицето откако ќе се разбудите.
„Во текот на денот, додека повеќето од нас седат или стојат, гравитацијата ги повлекува сите наши течности“, вели д-р Закја Рахман, клинички професор по дерматологија на Медицинскиот факултет во Стенфорд“, пишува Huffpost.
Затоа некои луѓе на крајот од денот завршуваат со отечени стапала или нозе. Одредени услови исто така можат да предизвикаат отекување на лицето.
„Сѐ што предизвикува воспаление може да предизвика отеченост на лицето. Тоа е поврзано и со поленска грозница, алергии, егземи и астма“, објаснува Рахман.
Алкохолот, исто така, може да влијае и да предизвика отеченост наутро.
„Алкохолот го намалува природниот антидиуретски хормон, предизвикувајќи телото да губи повеќе течности и да дехидрира. Кога е телото дехидрирано, тоа се обидува да се спротивстави на дехидрацијата држејќи ја водата што ја има. Поради тоа лицето може да ви изгледа поотечено од вообичаено“, истакнува експертот.