Ако некогаш патот ве однесе во Јапонија, немојте да се изненадите ако видите луѓе на улиците како истураат вода на тротоарите. Овој необичен ритуал беше сосема вообичаена утринска активност (па дури и обврска) на граѓаните во Кјото, до средината на 1970-тите. Заедно со истурање вода, задолжително било и метењето.
Многубројните улици таму најчесто биле влажни, но со текот на времето се „исушиле“ бидејќи бројот на традиционални куќи и дуќани се намалува. Јапонските власти со децении ги охрабруваат граѓаните да ги полеваат со вода улиците, но не со вода од чешма, туку со дождовница или вода што не може да се пие.
Учимизу, односно прскањето на просторот пред куќата или продавницата со вода не само што ја задржува прашината, туку и ја намалува температурата во градот во текот на жешкото лето бидејќи водата испарува, а асфалтот се лади. Исто така, учимизу е шинтоистички ритуал на прочистување, како и израз на љубезност и добредојде на посетителите. За овој ритуал важат непишани правила, па затоа е забрането да се полева дел од улицата на соседот. Исто така, во зима учимизу е на пауза за да не замрзнат патиштата.
Поради глобалното затоплување, во последните децении неколку еколошки групи во Јапонија воведоа програми за поттикнување на uchimizu, повикувајќи се на истражување дека масовното наводнување на улиците може да ја намали температурата на воздухот за неколку степени.
Научникот Др. Пол Сатур смета дека ладењето на улиците со вода е многу корисно за нашата планета.
„Граѓаните кои практикуваат учимизу во јапонските урбани средини помалку користат клими, што значително ја намалува потрошувачката на енергија во домаќинството, а со тоа и емисијата на стакленички гасови“, открива Сатур.
Ако одлучите да полиете вода пред вашата куќа, внимавајте да не прскате никого и користете вода што не е за пиење.