СЕГА И ОФИЦИЈАЛНО: Netflix започна со укинување на меѓусебното споделување лозинки

25 мај, 20230
Screenshot_9

Нетфликс минатата година објави дека во текот на 2023 година, фокусот на компанијата ќе биде ставен на ставање крај на можноста за користење на еден профил од голем број луѓе на оваа стриминг платформа. Сега тој план почна да го спроведува во дело.

 

 

 

Популарната услуга сега истакна дека на сите корисници кои нема да платат за споделување на лозинката со сопственикот на сметката, ќе им биде забрането да користат Netflix.

 

Компанијата откри и детали за тоа како планира да се бори против споделувањето лозинки. Прво ќе важи за корисниците во САД, а потоа и на глобално ниво.

Netflix истакнува дека корисниците на Netflix Standard планот (15,49 долари месечно) ќе можат да додадат уште еден член кој ќе може да ја користи услугата надвор од домаќинството на сопственикот на сметката по цена од 7,99 долари месечно.

 

Корисниците на пакетот Netflix Premium, кој овозможува стриминг во 4K резолуција, ќе можат да додадат до два дополнителни членови, по цена од 7,99 долари месечно за секој од нив.

 

Од друга страна, корисниците на најевтините планови (Стандард со реклами од 6,9 долари месечно и Основни без реклами од 9,99 долари месечно) нема да можат да додаваат дополнителни членови на нивната сметка за користење.

 

Netflix исто така ја ажурираше својата страница за поддршка, која нуди нови информации за споделување лозинки. Има и објаснување како се дефинираат дополнителни членови кои можат да ја користат сметката. Така, тие мора да се активираат во иста земја, можат да гледаат или преземаат содржини само на еден уред во исто време и не можат да создаваат дополнителни профили или да се најавуваат како детски профил.

 

Leave a Reply

Your email address will not be published. Required fields are marked *