Хајди Клум во комбинација која ретко кој би се осмелил да ја носи: Животинскиот принт се уште е во мода!

Хајди Клум е фотографирана пред студиото каде ќе се снима новата сезона на „Next Top Model“. Нејзините обожаватели се воодушевени од тоа што ова шоу продолжува, но и од стајлингот на познатата манекенка.

Хајди многу добро знае како да привлече внимание, а вчера се одлучи за комбинација која никого не остави рамнодушен.

Иако многу луѓе мислат дека животинските дизајни се минато, Хајди покажа дека тоа не е така.

Додека некои носат парче или моден додаток со животински дизајн, Хајди храбро реши да облече целосен комбинезон и јакна украсени со леопард принт.

На овој модел одлично ѝ прилегаше маслинесто-зелениот комбинезон кој има леопард дезен, а чизмите со потпетици во крем боја одлично се совпаѓаа со стајлингот.

Хајди ја пушти долгата руса коса, а посебен шмек на нејзиниот изглед даваа златните обетки и црните очила кои ги носеше.