Шест бои со кои ЗЕЛЕНАТА најмногу ќе дојде до израз во модните комбинации
Љубителите на зелената боја не треба премногу да се убедуваат во нејзината уникатност и разноврсност. Зелената, една од најубавите постоечки бои, се наоѓа на видливиот спектар на бои помеѓу сината и жолтата. Зелената боја пред се е симбол на природата, нејзиното обновување и растење, а познато е и дека глетката на зелените нијанси создава чувство на смиреност кај нас.
Во однос на модата, зелената е боја која жените се плашат да ја носат, пред се затоа што мислат дека избраната нијанса нема да одговара на бојата на нивната кожа или сметаат дека е тешко да се комбинира.
Сепак, нема причина да се плашите бидејќи зелената всушност воопшто не е тешко да се комбинира, а подолу можете да дознаете кои бои најдобро и одговараат.
1. БЕЛА
Ако не знаете од каде да започнете со комбинацијата, почнете со бела боја. Таа е непогрешлива и одговара на сите бои во спектарот, вклучително и зелената, без разлика на тонот.
2. БЕЖ
Кога белата боја не е вашиот прв избор, а сепак ви треба неутрална боја покрај зелената, користете ги сите нијанси на беж.
3. ТЕМНО СИНА
Заедно со црната, апсолутна кралица на темните неутрални нијанси. Совршено се комбинира со речиси сите нијанси на зелено.
4. РОЗОВА
Сега конечно доаѓаме до поефикасни бои кои можете да ги комбинирате со зелената, а меѓу нив е и розовата. Ова е комбинација создадена само за најсмелите љубители на модата.
5. ВИОЛЕТОВА
Зелената и виолетова се контрастни бои на спротивните страни на спектарот, но тие совршено се совпаѓаат.
6. ЖОЛТА
Зелено жолто, заљубен пар. Овие две бои јавно се сакаат. Секојa од нив е посебна сама по себе, а во комбинација формираат непобедливо и смело модно дуо.