Колку пати сте слушнале дека едно јаболко дневно го држи докторот подалеку? Диететичарката Емили Лиминг верува дека оваа стара поговорка не е целосно неоснована.
„Јаболката се богат извор на фитонутриенти важни за вашиот имунолошки систем, како што се витамин Ц и антиоксиданси“, изјави Лиминг за Гардијан.
Витаминот Ц му помага на вашето тело да произведе антитела и имуните клетки за да стигнат до местото на инфекцијата, додека антиоксидансите можат да го намалат прекумерното воспаление, помагајќи ви да закрепнете побрзо ако се разболите.
„Со оглед на тоа што 70 отсто од вашите имунолошки клетки живеат во цревата, здравата цревна микрофлора е важен дел од поддршката на вашиот имунолошки систем“, вели Лиминг.
Тој додава дека јаболките го поддржуваат овој систем на два начина. Прво, само едно јаболко содржи 100 милиони микроби кои придонесуваат за вашата цревна микрофлора, помагајќи да се разгради храната и да се направат достапни фитонутриенти за телото. Второ, просечното јаболко содржи околу 4 грама влакна, кои се извор на енергија за добрите бактерии во цревата, кои помагаат во регулирањето на имунолошкиот одговор. Ако барате овошје со уште повеќе влакна, пробајте калинка, киви или малини.
Се разбира, вели Леминг, ниту една храна не може целосно да ве спречи да се разболите. „Различното овошје и зеленчук обезбедуваат широк спектар на влакна, хранливи материи, полифеноли и други антиоксиданси за вашето здравје“, вели таа. „Јадете редовно цели зрна, грашок, јаткасти плодови и семки, бидејќи тие се особено богати со растителни влакна и ви помагаат да достигнете 30 грама влакна дневно.“
Колку време ќе биде потребно за приспособување на исхраната за да има позитивен ефект врз цревната микрофлора? „Само три дена. Ако се грижите за здравјето на цревата, веројатно многу брзо ќе почне да го поддржува вашиот имунолошки систем“, заклучи Лиминг.