Кога станува збор за здравјето на цревата, исхраната игра главна улога.
И тоа оди подалеку од појадокот, ручекот и вечерата – ужините и грицките се исто така многу важни. На пример, ако сакаме да јадеме нешто крцкаво, знаеме дека стапчињата од зеленчук се подобри од чипсот, а ако сакаме да јадеме нешто слатко, овошјето е поздрава опција од колачи.
Меѓутоа, освен очигледните „нездрави“ грицки кои треба да ги ограничиме, има и такви кои треба почесто да ги јадеме.
Гастроентерологот д-р Сара Месилхи откри една таква ужина, која дури и таа ја јаде неколку пати неделно и тврди дека ѝ е омилена.
„Ужините ги сметам за нормален дел од мојата секојдневна исхрана. Јогуртите ми се омилени, обични или измешани со свежо овошје. Јогуртот нуди многу хранливи материи како протеини, калциум, фосфор, витамин Б12 и витамин Д“, изјави д-р Месилхи.
Пробиотските бактерии кои се наоѓаат во некои јогурти можат да спречат надуеност и запек
Калциумот во јогуртот може да помогне во регулирањето на мускулите во дигестивниот тракт, промовирајќи редовно варење, а протеинот во јогуртот може да придонесе за чувство на ситост и да го намали искушението да јадете помалку здрави опции.
Исто така, тие имаат големи придобивки за дигестивниот систем со регулирање на микробиотата во цревата.
Пробиотските бактерии, кои се наоѓаат во некои јогурти, се она што може да помогне во регулирањето на микробиотата и кои можат да ги спречат непријатните дигестивни несакани ефекти како надуеност и запек, додава д-р Месилхи.
Некои одлични опции за јогурт вклучуваат обичен грчки јогурт, кефир или јогурт со малку маснотии.
Д-р Месилхи советува да изберете обични или минимално засладени, бидејќи некои јогурти со вкус може да содржат голема количина шеќер.