Шминката може да направи чуда, од просечното лице да направи прекрасно, но и обратно, затоа, не е на одмет да знаете некои едноставни трикови за младолик изглед.
За почеток, секогаш е добро очите да ги направите пошироки и поблескави, што е многу едноставно – светлата сенка се нанесува на две третини од горниот капак од внатрешноста према надвор, а потемната сенка се нанесува само на надворешниот раб на окото.
Пудрата е од голема важност за изгледот, па нанесете две нијанси потемна од вашиот природен тен во потег од средина на увото кон усните. Истата нијанса нанесете ја со поширока четка вдолж линијата на вилицата, на начин да започнете под ушната школка па преку брадата да стигнете до другата.
Усните исто така треба да ги разубавите, а тоа најлесно ќе го направите на начин на рабовите да нанесете моливче еден тон посветло од природната боја на усните.