Нетфликс го претстави првиот тизер трејлер за комедијата „Happy Gilmore 2“ со Адам Сендлер во главната улога за време на директниот пренос на Божиќниот ден на НФЛ.
Филмот го режираше Кајл Њучек, а сценариото го напишаа Тим Херлихи и Адам Сендлер.
Според „The Hollywood Reporter“, заплетот на филмот го следи поранешниот неуспешен хокеар Хепи Гилмор кој стана голфер и учесник во турнејата за сениорски голф.
Покрај Сендлер, Кристофер Мекдоналд ќе ја репризира улогата на Шутер МекГавин, додека Џули Бовен се враќа како партнерката на Хепи Гилмор, Вирџинија Венит.
Познато е дека во филмот ќе се појави и Бен Стилер, кој ќе ја повтори улогата на Хал Л. Во филмот ќе се појават и Бед Бани, Маргарет Кволи, Ник Свордсон, Бени Свосди, а потврдени камео улоги ги вклучуваат Еминем, Тревис Келси и Ден Патрик.
Премиерата на филмот е закажана во 2025 година, а за само два дена тизер трејлерот за филмот е прегледан повеќе од два милиони пати. Многу фанови на првата верзија на филмот се задоволни од најавата за второто продолжение, па во коментарите под тизерот напишаа: „Не можам да ви кажам колку едвај чекам да го гледам овој филм“, Одамна не се радувам на нешто толку колку што се радувам на ова“, „Имам големи очекувања од овој филм, се надевам дека нема да се разочарам“.