Викендот е совршено време да направите нешто слатко. Наместо да купувате чоколадо, можете да направите чоколадна торта која брзо се прави.
Состојки:
250 гр бисквити
1 литар млеко
140 гр шеќер
1 жолчка од јајце
40 гр пудинг од ванила
2 лажици брашно
3 лажици пченкарен скроб
120 гр чоколадо
За глазурата:
100 гр чоколадо
50 мл млеко
д
Подготовка:
Бисквитите наредете ги во калапот кој сте го обложиле со проѕирна фолија (и на рабовите и на дното). Во млекото додадете ги шеќерот, жолчките, пудингот од ванила, брашното и скробот.
Добро измешајте и варете додека не се згусне со постојано мешање. Поделете на 2 еднакви дела, додека е уште жешко, па на едниот додадете го чоколадот и мешајте додека не се растопи.
Најпрво прелијте ги бисквитите со чоколадниот фил, па израмнете, потоа прелијте го филот од пудингот и израмнете го. Покријте со проѕирна фолија и ставете го колачот во фрижидер 2 часа.
Чоколадото и млекото измешајте ги и стопете, па прелијте го колачот. Доколку сакате декорирајте со мелени бисквити, па ставете во фрижидер 10 минути да се стегне.
Пријатно!