Корисник на TikTok, Каролин, доживеала навистина магичен момент во Северна Каролина. Возејќи низ шумата, одеднаш здогледала нешто што и го одземало здивот – целосно бел елен чие крзно сјае во зимската идила.
Каролин го фатила ова ретко и неверојатно суштество на својот телефон, бидејќи знаела дека е момент кој вреди да се сними.
Според извештаите на порталот Buck Manager се работи за албино елен, што значи дека се работи за ретка генетска мутација која се јавува само во еден случај од 100.000. Албино животните се посебни и уникатни за многумина – нивната необична, светла боја е она што ги разликува од сите други животни, а поради нивната реткост станаа предмет на фасцинација. Еленот фотографиран од Керолин имал розови уши и нос и мирно ја набљудувал околината.
Видеото предизвика ентузијастички коментари, а корисниците го изразија своето восхитување. „Тоа е неверојатно! Никогаш не сум видел албино елен“, беше еден од коментарите. „Ви благодариме што споделивте такво прекрасно искуство со нас“, напиша друг корисник. „Каква ретка убавина. Веројатно повеќето од нас никогаш не сретнале бел елен“, беше друг коментар. „Тоа е магично“, додадоа многумина, а не недостигаа и пофалби за „убавината на природата“.
@carolynnrs Shared a magical moment with this pretty girl on my way home from work ❤️ #albinodeer
Ова не е прв пат да биде забележан албино елен во Северна Каролина – слично животно беше забележано во мај минатата година, но не се знае дали е истиот елен што Каролина го фотографирала.
Албино елените не само што се ретки, туку во многу култури се сметаат за свети и симболизираат среќа, пренесува N1 Словенија. Во келтската митологија, овие елени биле поврзани со мистични моќи. Една од легендите вели дека белиот елен во приказната за кралот Артур значел дека е време неговите витези да го продолжат својот поход.