Поминала низ многу тешки моменти за да стигне до точката каде што изградила среќа и добила сила отворено и без двоумење да зборува за своите предизвици.
Лили Ален, британска пејачка, текстописец и актерка, е позната по искрените и честопати провокативни текстови, но и по турбулентниот личен живот. Таа во неколку наврати зборуваше за своето несреќно детство, за загубата на своето дете и за психијатрискиот третман што го доби после сето ова.
Нејзината приказна ја прикажува силата, ранливоста и способноста да се надминат тешките искуства. Таа реши да зборува за тоа токму за да ги инспирира другите жени кои се или некогаш ќе се најдат во слична ситуација.
Лили Ален се прослави во 2006 година благодарение на нејзиниот деби албум Alright, Still, кој вклучуваше хитови како „Smile“ и „LDN“. Нејзината музика се одликуваше со својот хумор и остри коментари за општеството, што ја направи една од најпрепознатливите британски изведувачи во своето време.
Лични трагедии и предизвици
Семејни проблеми
Лили порасна во уметничко, но дисфункционално семејство. Нејзиниот татко, познатиот актер и музичар Кит Ален, често бил отсутен, а односот со нејзините родители бил сложен. Од тој период, Лили носеше бројни трауми, кои ја спречија да води нормален живот и да го има семејството што го сака.
Губење на дете
Една од најголемите трагедии во нејзиниот живот е загубата на нејзиниот син во 2010 година. Лили била бремена во шестиот месец кога започнала предвремено породување. Бебето било многу мало, а таа немала сила да го истурка од стомакот. Папочната врвца и била обвиткана околу вратот. По десет часа родила мртво машко дете. Таа јавно проговори за ова болно искуство, опишувајќи колку и било тешко да се справи со загубата.
Менталното здравје и борбата против зависноста
Лили отворено зборуваше за нејзините борби со депресија, алкохолизам и зависност од дрога. Во нејзината автобиографија од 2018 година, My Thoughts Exactly, таа искрено опиша како нејзините проблеми ескалирале поради притисокот на славата, брачните проблеми и другите животни предизвици.
Проблеми во бракот и врските
Лили беше во брак со Сем Купер, со кој има две ќерки, но бракот заврши со развод во 2018 година. Пред да се разделат, парот помина низ предизвици, вклучувајќи ги аферите на Лили и проблемите со самодовербата.
Медиумски притисок и сексуално вознемирување
Откако стана јавна личност, Лили често беше мета на таблоидите. Славата само го додаде нејзиното и онака слабо ментално здравје. Работата да биде уште полоша, доживеала и сексуално злоставување кое го криела со години, а потоа одлучила да прекине да молчи и решила да излезе во јавност.
Закрепнување и нов почеток
Откако помина премногу течки периоди, Лили конечно успеа да најде маж кој целосно ја поддржува и да започне нормален живот. Таа се омажи за актерот Дејвид Харбор, познат по улогата во серијата Stranger Things. Тој често ја опишува нивната врска како поддршка и љубов. Таа, исто така, продолжи да се занимава со музика, но и со глума, а дебитираше во театарот во лондонскиот Вест Енд.
Лили Ален е пример за некој кој го користи својот глас за да зборува за тешки и често табу теми. Нејзината искреност и автентичност инспирираа многу луѓе да ги препознаат сопствените слабости и да најдат сила да ги надминат.