Повеќето луѓе не пијат кафе поради неговите здравствени придобивки, туку затоа што им помага да се разбудат наутро или кога нивото на енергија им се намалува во текот на денот.
Кафето има бројни здравствени придобивки. Повеќето од овие позитивни ефекти доаѓаат „благодарение на неговата висока содржина на кофеин, психоактивна или психостимулантна супстанца која може да влијае на различни процеси и функции, и когнитивни и физички“, вели познатиот кардиолог д-р Аурелио Рохас.
Има и други важни ефекти. Долгорочните студии покажуваат дека редовното консумирање кафе е поврзано со подолг животен век.
Сепак, повеќето луѓе не пијат кафе поради неговите здравствени придобивки, туку затоа што им помага да се разбудат наутро или кога нивото на енергија им се намалува во текот на денот. Тоа е затоа што кафето се смета за метаболички активатор кој делува слично (со одредени ограничувања) на добро познатите невротрансмитери како што се допаминот и адреналинот.
Кофеинот во кафето е многу моќна супстанција, но за некои луѓе и тоа не е доволно, па бараат дополнителни начини да добијат уште повеќе енергија. За таквите луѓе, д-р Аурелио Рохас, кардиолог од Регионалната универзитетска болница во Малага, предлага трик: додадете 100 проценти чисто какао во прав во кафето.
Ова обезбедува дополнителна количина на кофеин, бидејќи какаото содржи и кофеин. Меѓутоа, „количината на кофеин во какаото зависи од видот и количината на какао или чоколадо што се консумира“. На пример, „една коцка чисто темно чоколадо може да содржи до 20 милиграми кофеин“.
Тоа не е се. Според кардиологот, придобивките од додавањето 100 отсто какао во прав во кафето се следните:
-Дава дополнителна енергија
-Го зголемува чувството на ситост
-Ја намалува потребата за внес на шеќер во текот на денот
-Има антиинфламаторно дејство врз срцето и крвните садови
-Го стимулира производството на матични клетки
-Го зајакнува имунолошкиот систем.