Организаторите на Евровизија се надеваат дека ќе ја пречекаат пејачката и поранешна победничка Селин Дион како специјална гостинка на финалето во Базел во мај.
Портпаролот потврди дека имало разговори, но дека ништо не е договорено – главно поради битката на познатата пејачка со тешка невролошка состојба, синдром на вкочанетост.
Канадската ѕвезда (56) со години страда од болни грчеви во мускулите, а одлуките за потенцијалниот настап се носат во последен момент.
И покрај нејзината болест, Дион присуствуваше на церемонијата на отворање на Олимписките игри во Париз минатата година, нејзино прво појавување од 2019 година. Таа, исто така, излезе на сцената во Саудиска Арабија во ноември.
Во 1988 година, Дион победи на натпреварот за Швајцарија со „Ne Partez Pas Sans Moi“ – победа што и помогна на нејзината глобална кариера.
Оваа година Швајцарија ќе ја претставува 24-годишната Зои Ме. Швајцарската пејачка, која помина неколку години во Германија, е позната по двојазичната поп музика, пеејќи на француски и германски јазик.
Нејзината натпреварувачка песна ќе биде објавена на 10 март.
Најголемото музичко натпреварување во светот со повеќе од 150 милиони гледачи ќе се одржи од 10 до 17 мај во Базел.