Семејниот раскол во семејството на актерот се продлабочува.
Ситуацијата во семејството на поранешниот брачен пар повторно е во центарот на вниманието, а потегот на најстариот син изненади многумина.
Најстариот син на актерите Анџелина Џоли и Бред Пит, Медокс (24), одлучи да го прифати презимето на неговата мајка. Во филмот „Кутјур“, на кој работеше со неговата мајка, тој е наведен како Медокс Џоли, додека претходно го користеше презимето Џоли-Пит. Оваа промена дополнително ги разгоре шпекулациите за затегнати односи во семејството и тврдењата дека Бред Пит долго време немал контакт со своите деца.
Промената што се случи неодамна
Интересно е што во завршната одјавница од филмот „Марија“ од 2024 година, во кој Анџелина ја играше познатата оперска дива Марија Калас, Медокс сè уште беше потпишан со двете презимиња. Ова значи дека одлуката да се откаже од презимето на неговиот татко е донесена релативно неодамна.
Медокс не е единствениот што го направил овој потег. Неговата сестра Захара се откажала од презимето Пит во 2023 година откако се приклучила на студентското здружение на колеџот Спелман. Една година подоцна, нејзината најмлада сестра Вивиен, додека работела на бродвејската претстава „Аутсајдерите“, исто така потпишала само како Вивиен Џоли. Овие потези дополнително го зајакнале впечатокот дека семејните односи се сериозно нарушени.
Љубов што започнала на филм, но завршила катастрофално
Анџелина Џоли и Бред Пит се запознаа во 2004 година на снимањето на филмот „Господин и госпоѓа Смит“. Во тоа време, Бред беше во брак со актерката Џенифер Анистон, од која се разведе на почетокот на 2005 година. Двојката ја потврди својата врска во 2006 година, а се венчаа во 2014 година. Само две години по свадбата, следеше бурен развод, кој прерасна во една од најдолгите правни битки во Холивуд.
Сè ескалираше по инцидентот во приватниот авион, по што Анџелина поднесе барање за развод и побара старателство над своите деца – Медокс, Пакс, Захара, Шајло и близнаците Нокс и Вивиен. Нејзините адвокати потоа изнесоа сериозни обвинувања против Бред Пит, но истрагата беше завршена без да бидат покренати обвиненија против актерот.
Разводот траеше осум години
Иако официјално се разведоа во 2019 година, правната битка траеше вкупно осум години. Постапката за развод не беше целосно финализирана сè до декември 2024 година, со што се стави крај на еден од најдолгите и најгледани разводи во Холивуд. Сепак, се чини дека семејните последици од драмата сè уште се присутни.