Лазањи со брокула

Потребни состојки:

• Пакување кори за лазањи
• 800гр брокула
• сол, бибер
• 200гр кашкавал

За бешамел:

• 100гр путер
• 100гр брашно
• 1л млеко
• лажичка сол

Начин на подготовка:

Измијте ја брокулата, иситнете ја и издинстајте. Корите за лазањи подгответе ги според упатството на пакувањето.За бешамел сос на силен оган истопете путер, па додадете брашно и пржете околу две минути, со постојано мешање да не загори. Потоа тргнете од оган, сипете околу третина од подготвената количина млеко и постојано мешајте да не се направат грутки. Вратете на оган и варете на пониска температура, со повремено додавање на останатото млеко. На крајот посолете го сосот и оставете да се олади.Во плех редете ги лазањите, сосот, брокулата, рандан кашкавал, а повторете ја постапката додека не го употребите целиот материјал. Кратко запечете во рерна.