Ледена торта

Потребни состојки:

• 250гр путер
• 250 гр шеќер
• 8 јајца
• 100гр чоколадо
• 3 кесички шлаг
• кутија кекс
• малку млеко
• ванилин шеќер
• рум

Начин на подготовка:

Изматете го путерот со шеќерот. Додадете ги една по една жолчките и претходно растопеното чоколадо. Посебно изматете цврста смеса од белките и измешајте ја во претходната смеса, и садот ставете го во фрижидер.

Изматете го шлагот и додадете му ванилин шеќер. Во калап за торта наредете кекс полиен со млеко и рум. Преку кексот премачкајте од филот па ставете шлаг најгоре. По желба неместо шлаг може да користите и слатка павлака.

Чувајте го десертот во фрижидер до послужувањето.