Домашна карамела
27 август, 20140
Потребни состојки:
- 250 g кафеав шеќер
- 330 g бел шеќер
- 220 g путер
- 200 ml пченкарен сируп, мед или шербет во размер шеќер 2 : 1 вода
- 250 g слатка павлака
- 130 ml полномасно млеко
- 2 лажички екстракт од ванила
Подготовка:
Кафеавиот и белиот шеќер ставете ги во тенџере и додајте го путерот, шербетот, слатката павлака, млекото и ванилата.
Гответе на рингла, мешајќи повремено. За да видите дали е добро сварено ќе проверите со тоа што ќе ставите мала количина од сварената смеса во ладна вода. Ако се формира цврсто топче, значи дека е готово.
Разлејте ја смесата во плех, оставете ја целосно да се излади и со остар нож исечете ја на ситни коцки, како бонбони.
Може да уживате само во нив или да ги додадете во некој вкусен сладолед или во кафе како додаток.