Сте го виделе Дубаи Мол? Еве ви шанса

“Dubai Mall” е најголемиот и најпосетениот трговски центар во светот – вистински рај за сите оние кои ги следат светските трендови.

Сместен е во внатрешноста на Бурџ Калифа, највисоката зграда во светот, а за да го прошетате ќе ви бидат потребни дури неколку дена.

“Dubai Mall” е главната атракција во Дубаи. Отворен е во 2008 година, во рамките на комплексот вреден 20 милијарди долари, чии делови се и Бурџ Калифа и фонтаната Дубаи.

Она што го издвојува од другите не се продавниците со луксузни брендови, туку тој изобилува со најразлични содржини.

На површина од 1.124.000 квадратни метри, покрај 1.200 бутици, се наоѓаат и тематски забавни паркови, 22 кино сали,  хотел со 250 соби, реплика на славната Лондонска улица Реџент, лизгалиште, скијалиште, аквариум, водопад, фонтани…

Благодарение на разновидната содржина, “Dubai Mall” стана најпосетен трговски центар во светот. Годишно го посетуваат повеќе од 65 милиони луѓе, а интересен податок е тоа што во него се одвива повеќе пешачки сообраќај од Ајфеловата кула, водопадите во Нијагара и Дизниленд заедно.