Доделување на Оскари 2015: Еве кој си замина дома со златната статуетка

Најгламурозната вечер во годината ни овој пат не не` разочара. Одличниот домаќин Нил Патрик Херис успеа да ја забавува, насмее и допре публиката на 87-мото доделување на златните статуи во Холивуд.

Во престижната категорија за најдобар филм, Оскар доби филмот „Birdman”. Сатирата на Инјариту за остарената филмска суперѕвезда која се обидува да ја оживее кариерата беше наградена и за оригинално сценарио и фотографија.

Што се однесува до главните актери, Британецот Еди Редмејн убедливо ја однесе победата за отелотворувањето на славниот физичар Стивен Хокинг во биографскиот филм „The Theory of Everything”. Џулијан Мур беше најдобра во категоријата за најдобра актерка во филмот „Still Alice” за жена болна од Алцхајмерова болест.

Најмногу внимание привлече Патриша Аркет која освои Оскар за најдобра споредна актерка за улогата на храбра мајка која се бори да ги одгледа своите две деца во „Boyhood” на Ричард Линклатер. Уште поинтересен беше нејзиниот говор за заблагодарување, а примајќи ја наградата повика на еднакви плати за жените во Соединетите Американски Држави, што предизвика голем аплауз и поддршка од публиката.

Ј.К. Симонс е добитник на наградата Оскарза најдобра машка споредна улогана психотичниот учител по џез кој младиот тапанар го носи на музичкиот врв во филмот „Whiplash“.

Им беше оддадена и почест на сите оние актери кои не` напуштија минатата година во трогателно видео.

 

https://www.youtube.com/watch?v=9L34OIkT-xk

Добитници на Оскар на 87-мото доделување на наградите на американската Академија на филмски уметности и науки:

Најдобар филм: „Birdman“

Режија: Алехандро Гонзалез Инјариту (Birdman)

Главен актер: Еди Редмејн (The Theory of Everything)

Главна актерка: Џулијан Мур (Still Alice)

Спореден актер: Џ.К. Симонс (Whiplash)

Споредна актерка: Патриша Аркет (Boyhood)

Оригинално сценарио: Алехандро Гонзалез Инјариту, Николас Џакобоне, Александер Динеларис Џуниор, Армандо Бо (Birdman)

Адаптирано сценарио: Грејам Мор (The Imitation Game)

Странски филм: Ида (Полска)

Анимиран филм: (Big Hero Six)

Документарен долгометражен филм: CitizenFour

Монтажа: Том Крос (Whiplash)

Фотографија: Емануел Лубески (Birdman)

Сценографија: Адам Стокхаузен и Ана Пинок (Grand Budapest Hotel)

Костим: Милена Канонеро (Grand Budapest Hotel)

Шминка и фризура: Френсис Кенон и Марк Кулијер (Grand Budapest Hotel)

Оригинална музика: Александер Депла (Grand Budapest Hotel)

Оригинална песна: „Glory” (од филмот „Selma”)

Монтажа на звук: „American Sniper“

Визуелни ефекти: „Interstellar“

Документарен краток филм: „Crisis Hotline: Veterans Press 1“

Анимиран краткометражен филм: „Feast“

Акционен краткометражен филм: „The Phone Call“