Го победила ракот и ги оставила докторите без зборови

Жена (31) за која лекарите прогнозирале дека ќе живее уште најмногу 5 години тврди дека го победила ракот јадејќи овошје.

Кендис Мери Фокс одбила да се лекува со хемотерапија откако и дијагностирале карцином на штитната жлезда и наместо тоа се определила за „ремонт“ на животните навики во исхраната и го оставила својот „токсичен“ сопруг.

Запрепастени лекарите сега констатирале дека Кендис потполно го победила карциномот, кој се повлекол.

– Наместо да живеам за забава, викенди, работа и исти работи секој ден, јас потполно го променив погледот на животот. Одлучив да живеам за себе и да уживам во животот онаков каков што е. Тоа функционираше, вели оваа Англичанка.

Одбила хемотерапија

Карциномот и бил дијагностициран пред три години, по што требала да оди на операција. Кога ракот почнал да напредува, одбила да оди на хемотерапија.

– Наместо тоа почнав да внимавам на исхраната, секој ден јадев ананас, грејпфрут, лимон, јаболки, киви и банани, наведува Кендис за британските медиуми.

Таа исто така ги остранила „отровите“ како алкохол, цигари и месо. Само шест месеци подоцна, болеста се повлекла.

Без поддршка од сопругот

– Немав поддршка од својот сопруг и тоа беше причината да се разделам од него, појаснува Кендис, додавајќи дека покрај него стекнала некои лоши и нездрави навики.

Денес, откако ја поминала сопствената терапија, таа е потполно здрава и среќна што добила прилика за нов живот.