Печен млад компир со лукче

Потребни состојки:

• 500 гр млад компир
• 5-6 чешниња лук
• маслиново масло
• сол
• бибер
• лимон

Начин на подготовка:
Купете млади компири со мала или средна големина. Младите компирчиња нема потреба да ги лупите, само измијте ги убаво и исечете ги на половинки. Посолете ги и додајте црн бибер и други зачини по вкус.

Во друг сад ставете 5-6 чешниња лук, додадете маслиново масло и малку лимонов сок и сол. Истолчете убаво, додадете ги во садот со компирите и промешајте убаво.

Ставете во загреана рерна да се печат 45-50 минути или се додека не добијат кафеана боја и малку крцкава кора.