Наседнала на реклама: Потемнувањето со валјак преку ноќ и го сменил личниот опис!

Жените се спремни за убавина да направат се, но ова што го направила Американката Иможен Силверсајд го надминува здравиот разум. Имено таа на интернет видела совет од една девојка која средството за самопотемнување го нанесувала со валјак за молерисување, па одлучила да ја послуша.

Да, добро прочитавте: Иможен кремата ја нанесувала со валјак.

– Девојката која ми препорача самопотемнување со валјак е лажлива ку**а. Мислам дека во петок не доаѓам на работа, напишала Иможен на својот Фејсбук профил.

Таа овој коментар го споделила заедно со фотографија на која изгледа темно кафеаво, додека во рацете држи валјак за молерисување.

Иможен и сама прокоментирала дека сега има иста боја како нејзината трпезариска маса.

Нејзината објава на Фејсбук преку ноќ станала хит и има повеќе од 40.000 лајкови и 23.000 коментари.

Еден корисник на социјалната мрежа на нејзината фотографија искоментирал: „Кој би пробал такво нешто?!“

Додека една девојка напишала коментар: „Се прашувам зашто по првото нанесување продолжила да се „фарба“!“