Милан Поповиќ ја тужи Северина!

Бизнисменот Милан Поповиќ безуспешно се обидува да стапи во контакт со мајката на неговиот син Александар – поп-пејачката Северина Којиќ.

Како што изјавува за српските медиуми, Северина не се јавува на телефон и не ги почитува судските термини кога треба да го земе своето дете. Малиот Александар не бил во добра здравствена состојба, но мама Северина била зафатена со нешто друго за да му крене слушалка на поранешниот.

Но приказната има две различни страни. И Северина исто така го пријавила во полиција Милан дека не и’ го однел детето навреме. Тој пак, се правдал дека таа не одговара на неговите повици и постојано ја бара вината кај него.

„Точно е дека поднесов кривична пријава против Северина поради запоставување на детето. Се надевам дека институциите ќе го истражат она што јас го зборувам, затоа што постојат и докази“, вели Милан.