Ајверсон на мета на Бешикташ

Кошаркарската еуфорија во Турција не престанува, а турските медиуми тврдат дека челниците на Бешикташ сакаат да го ангажираат НБА ветеранот Ален Ајверсон. Бешикташ е спремен да му понуди 2 милиони долари по сезона како што објавуваат турските медиуми дека веќе е стапено во контакт со агентот на НБА ѕвездата. Ајверсон неодамна беше во преговори со кинескиот Фошан, Гуандгдонг и Шанксима, но сеуште нема добиено примамлива понуда како би отпатувал на далечниот исток. Извесно е дека некогашниот all – star играч не е веќе интересен за НБА клубовите, па затоа и возможно е да се проба во Европа. Ален Ајверсон после играњето за универзитетот Џорџтаун, најголем дел од кариерата ја помина во Филаделфија, а играше и за Денвер, Детроит и Мемфис.