Чорба со леблебија
Подготовка:
Леблебијата претходната ноќ потопете ја како грав, наутро додадете лажичка ким, сварете ја исцедете и оставете ја настрана.
Водата во која се варела леблебијата оставете ја за подоцна. Спанаќот ставете го во солена вода и варете 2-3 минути, исцедете, почекајте да се олади и ситно исецкајте.
Кромидот ситно исецкајте го и пропржете го на врел зејтин, додадете ги спанаќот и леблебиите, пире од домати, 8дл млака вода во која се вареше леблебијата, посолете и оставете на силен оган додека не зоврие, а потоа намалете ја температурата и варете уште 30 минути.
Парчињата леб испечете ги на рингла и секое парче премачкајте го со лук, попраскајте со неколку капки маслиново масло и пресечете ги на пола. Половинките леб ставете ги во длабока чинија за супа, одозгора сипајте ја врелата чорба и украсете со рендано козјо сирење.
Состав:
- 600гр леблебија
- 500гр спанаќ
- 400гр пире од домати
- Пола главица кромид
- Лук
- 4 парчиња леб за тост
- 30гр козјо сирење
- Маслиново масло
- Сол и ким