Делови од човек пронајдени во Кичево

Делови од човечко тело денеска попладне се пронајдени од случаен минувач покрај железничката пруга во Кичево, информира Министерството за внатрешни работи.

Според информациите од МВР, граѓанин пријавил дека околу 13,35 додека минувал покрај пругата Кичево – Скопје во близина на местото Инфос забележал делови од човек.

Полицијата веќе извршила увид на местото каде се пронајдени останките и се работи на утврдување на идентитетот на жртвата.

Според првичните неофицијални информации, се работи за машко лице, но се уште не се утврдени ниту возраста, ниту причините за смртта.