Милијардер од Австралија ќе гради реплика на Титаник!

Clive Palmer изјавил дека бродот ќе се гради во Кина, а на своето прво патување од Велика Британија до Њујорк ќе заплови во 2016 година.

Австралискиот милијардер Clive Palmer ги известил медиумите дека ќе гради реплика на Титаник. Тој истакнал дека бродот ќе се гради во кинеските бродоградилиштам, а на своето патување би требало да оди во 2016 година.

„Бродот ќе биде луксузен исто како и оригиналот, кој пред 100 години потона на северот во Атлантикот. Сепак овој брод ќе биде опремен со модерна технологија“, изјавил Палмер.

Новиот Титаник ќе биде тежок 40.000 тони, ќе биде 273 метри долг и 53 метри висок. Ќе има девет палуби и 840 соби.