Викторија Бекам: Свесна сум дека изгледам одлично! Скромно богами:)))

Таа е горда мајка на четири деца, а најмладата, ќеркичката Харпер Севен, ја донесе на свет пред седум месеци. Но, и покрај тоа Викторија има завидна фигура.

Пејачката и сопруга на фудбалерот Дејвид Бекам тоа го покажа соблекувајќи се за објективот на Џош Олинс. Викторија снимила едиторијал во облека која ја открива нејзината совршена линија. Сепак, 36-годишната пејачка открива дека таа не била секогаш задоволна со својот изглед.
“Колку сум постара, толку подобро се чувствувам во сопствената кожа и свесна сум дека изгледам одлично, како што се чувствувам”, вели Викторија.

Позната е како една од најголемите трендсетерки, која во јавноста секогаш изгледа беспрекорно, но признава дека не ја прати модата и најновите трендови.
“Се потпирам на сопствените инстикти”, вели Викторија. Судејки по се, за Викторија е полн погодок, бидејќи со сопствената линија на облека заработила една милијарда и е една од најпопуларните дизајнерки меѓу холивудската елита.